बर्दिया । जिल्लाको मधुवन नगरपालिकाको वडा नं.-१,२ र ३ मा हात्तीको आतंक बद्ढो क्रममा रहेको छ । करिब ९ दिन अगाडिदेखि दिनहुुँ जसो हात्ती गाउँमा पस्न लागेपछि स्थानीय त्रसित अवस्थामा रहेका छ्न ।
भारतको कतर्नियाघाट वन्यजन्तु आरक्षबाट खाता जैविक मार्ग हुदै मधुवन नगरपालिकाका विभिन्न वडामा हात्ती पस्ने गरेको छ। प्रत्येक दिन जसो हात्ती गाउँ पस्न लागेपछि यहाँका स्थानीयहरु रात रातभर जागाराम बस्ने अवस्था आएको छ । स्थानिय जनता रातभर नसुतेर जागाराम बसेको ९ दिन भैसकेको छ ।
हात्ती गाउँ पस्न थालेपछि डर र त्रासले यहाँका बासिन्दाहरु घर बाहिर टर्च लाईटको साहरामा खुल्ला आकासमुनि समुह बनाएर बस्ने गरेका छ्न ।
स्थानीयहरुले बर्दिया राष्ट्रिय निकुञ्ज र डिभिजन वन कार्यालय बर्दियाले आफ्नो समस्यालाई हल्का रूपमा लिएको, मानिसको ज्यान जान सक्ने गम्भिर प्रकृतिको घटना दिनहुँ घटिराख्दापनी डिभिजन वन कार्यालय बर्दियाका अधिकारीहरुले केहि थाहा नपाएको जस्तो गरेर आफ्नो समस्यामा साथ नदिएको गुनासो गरेका छन ।
स्थानिय जनताहरुका अनुसार हात्ती दिनहुँजसो गाउँ पस्न लागेपछि सम्पूर्ण गाउँनै असुरक्षित भएको छ । सबैभन्दा कहालीलाग्दो अवस्था बाल-बालिकाहरुको छ । बालबालिकाहरुले हात्तीको डरले खाना खान समेत नपाएको यहाँँका स्थानीय अगुवाहरुको भनाइ छ ।
त्यस्तै मधुवन नगरपालिका वडा नं।-१ का वडा सदस्य दिल बहादुर चौधरीका अनुसार लाखौंँ रुपैयाको बजेट मानव-वन्यजन्तु द्वन्द न्युनिकरणकालागी डिभिजन वन कार्यालय बर्दियामा आउने गरेतापनी सो बजेट कहाँ-कसरी र कस्ले परीचालित गरेको छ भन्ने कुरा कसैलाइपनी थाहा नभएको बताउनुभयो ।
टिका कुमारी मल्ल
मधुवन नगरपालिका वडा नं.-१ छोट्कि टडुवा निवासी पीडित
मधुवन नगरपालिका वडा नं.-१ छोट्कि टडुवा निवासी पीडित किसान टिका कुमारी मल्लले डिभिजन वन कार्यालय बर्दिया र बर्दिया राष्ट्रिय निकुञ्जबाट कुनै किसिमको प्रत्यक्ष वा अप्रत्यक्ष रुपमा सहयोग - सहानुभुति नाआएको बताउनुभयो । कार्यालय वा राज्यले हाम्रो समस्या कहिले पनि बुझेन या बुझ्न चाहेन हामीले पहिलेदेखि नै मेस वाईर फेन्सिङ्ग तार जाली माग गरेका थियौ तर अहिलेसम्म पनि पाएका छैनौँ । जंगली जनावरले हाम्रो धान बाली खाइदियो, हाम्रा छोराछोरी भोकै छन, ज्यान जोखिममा छ, के हामी यस देशका नागरिक होइनौँ र ? हामी बाँच्न पाउने अधिकार छैन र ?
राजाराम थारु
मधुवन नगरपालिका वडा नं.-१ छोट्कि टडुवाका किसान
मधुवन नगरपालिका वडा नं.-१ छोट्कि टडुवाका किसान राजाराम थारु भन्नुहुन्छ, "आज ९ दिन भयो हात्ती आउन थालेको छ । यो बर्ष सबैभन्दा बढि अन्नबालि खाई नष्ट गरेको छ । दुखि किसान सधैभरि दुखि नै हुने भएका छौ । हामीलाई मेस वाईर जालि अनिवार्य चाहिएको छ जस्ले गर्दा हाम्रो अन्नबालि जोगाउन सकियोस सबैभन्दा मुख्य कुरा हाम्रो ज्यान जोगियोस ।"
दिलमाया मल्ल
मधुवन नगरपालिका वडा नं.-१ छोट्कि टडुवा निवासी पीडित
मधुवन नगरपालिका वडा नं.-१ छोट्कि टडुवा निवासी पीडित किसान दिलमाया मल्ल भन्नुहुन्छ, "हाम्रो कुरा कसैले पनि सुन्दैन ।अझैसम्म कोहि पनि कार्यालयका सरहरु आउनु भएको छैन । हामी कस्तो अवस्थामा बाँचिरहेको छौ भन्ने कुरा हामीलाई थाहा छ । हामीहरु भोकभोकै बसेपनि हाम्रो समस्या बुझ्न कोहि आएको छैन । बर्खा भरि दुख गरि खेति गर्यो हात्ती, बंदेल आएर खाइदिन्छ । जंगली जनावरले खाए हामी राहत नपाउने तर जनावरलाई केहि हानि भए हामी जेल जाने त्यहि भएर हाम्रो माग मेस वाईर फेन्सिङ्ग तार जालिको आवश्यकता परेको छ । सबै भन्दा मुख्य कुरा हाम्रा नाबालक बच्चा-बच्चिको ज्यान जोखिममा परेको छ ।"
प्रशुराम चौधरी
अध्यक्ष
मधुवन नगरपालिका वडा नं.-१
मधुवन नगरपालिका वडा नं।-१ का वडा अध्यक्ष प्रशुराम चौधरी भन्नुहुन्छ, "हात्ती आतंक ९ दिन भै सक्दा पनि डिभिजन वन कार्यालय बर्दियाले वडा कार्यालयसङ्ग कुनै पनि समन्वय गरेको छैन । मधुवन नगरपालिका वडा नं.-१ र २ राष्ट्रिय वनमा पर्द्छ । हात्तीले घर भत्काउदा होस वा बाली खाँदा होस् वनका कर्मचारीले हामीसंग कहिल्यै समन्वय गर्दैनन, स्थानियको समस्या बुझ्दैनन । हामीले धेरैपटक अनुरोध गरिसक्यौँ समन्वयमा काम गरौँ भनेर तर वनले कहिल्यै वास्ता गरेन त्यसैले आज यहाँँका जनता त्रासमा बाँचिरहेका छन । धेरै अगाडि देखिनै हामीले मानव-वन्यजन्तु द्वन्द न्युनिकरणमा हातेमालो गर्दै हिँडौ भनेका हौँ तर वनले खासै चासो दिएन । डिभिजन वन कार्यालय बर्दियाले जिम्मेवारीपुर्वक यो समस्याको समाधानकोलागी आफ्ना कर्मचारी खटाईदिनुपर्छ ।"
दिल बहादुर चौधरी
मधुवन नगरपालिका वडा नं।-१ का वडा सदस्य
मधुवन नगरपालिका वडा नं।-१ का वडा सदस्य दिल बहादुर चौधरी भन्नुहुन्छ, "डिभिजन वन कार्यालय बर्दियाले राहत भन्दा पहिले ज्युज्यान, अन्नबालि बचाउन लाग्नु पर्यो । किन डिभिजन वन कार्यालय बर्दियाको उपस्थिति हुदैन यस्को खोजी निति तँपाइहरुले खोजिनिती गर्नुपर्यो । जनताहरुको आक्रोश बढ्दै गैइरहेको छ । वन्यजन्तु संरक्षण त गरियो हामीले के पायौं फाइदा ? बरु ज्यान हाम्रो गएको छ, अन्नबाली हाम्रो नोक्सान भएको छ । बर्ष भरि खाउला भनि लगाएको बाली हात्तीले खाई नष्ट गरिदिने गरेको छ । यस संचार माध्यमबाट भन्न चहान्छु छिटोभन्दा छिटो डिभिजन वन कार्यालय बर्दियाको ध्यान जावोस ।"
