तस्विर : नेपाली कांग्रेस बर्दियाका पार्टी सभापति सन्जय कुमार गौतम समक्ष सामूहिक राजीनामा बुझाउँदै क्रियाशील सदस्यहरु
बर्दिया । बर्दियाको मधुवन नगरपालिका वडा नंवर ३ का क्रियाशील सदस्यहरुले सामूहिक राजीनामा दिएका छन । उनिहरुले नेपाली कांग्रेस बर्दियाका पार्टी सभापति सन्जय कुमार गौतम समक्ष सामूहिक राजीनामा दिएका हुन । सामूहिक राजीनामा गर्ने क्रियाशील सदस्यहरुले प्रेस बिज्ञप्ति जारी गर्दै राजीनामा बारे जानकारी दिएका छन ।
प्रेस बिज्ञप्तिमा भनिएको छ, "अनाधिकृत क्रियाशील सदस्यताको आधारमा अधिवेशन गर्न खोज्नु निर्वाचन स्वच्छ, निस्पक्ष, धाधली रहित ढंगले हुन नदिनु हो । ती ३१ क्रियाशील सदस्यतामा पार्टी सभापति र केन्द्रिय निर्वाचन समितीका संयोजक श्री महादेव यादवको हस्ताक्षर रहेको छैन ।" बिज्ञप्तिमा अगाडि भनिएको छ, "मुख्य सचिवको हस्ताक्षर गरिएको क्रियाशील सदस्यता वैध हैन, तसर्थ हामी जिल्ला निर्वाचन समिति समक्ष आएको १२५ क्रियाशील सदस्यतामा अधिवेशन गर्न जोडदार माग गर्दछौँ ।"
तस्विर : नेपाली कांग्रेस बर्दियाका पार्टी सभापति सन्जय कुमार गौतम समक्ष सामूहिक राजीनामा बुझाएका क्रियाशील सदस्यहरुको नामावली र प्रेस बिज्ञप्ति
बर्दियाको मधुवन नगरपालिका वडा नं ३ मा गत ५ गते मंगलबार निर्वाचन हुँदै थियो । मंगलबार बिहान नेपाली कांग्रेस केन्द्रीय निर्वाचन समितिले प्रकाशित गरेको नामावली अनुसार चुनाव हुनगईरहेको अवस्थामा आफुलाई केन्द्रिय संस्थापन पक्षको प्यानल भनेर यस् अघी सार्वजनिक भएको समुहले नयाँँ नामावली ल्याएर वडामा खटिएका निर्वाचन अधिकारीलाई दिएपछि बिबाद उत्पन्न भएको थियो । उक्त नयाँँ नामावलीमा ३१ जनाको नाम रहेको छ ।
३१ जना मध्य १ जनाको नाम भने क्षेत्र नं २ राजापुर वडा नंवर ४ मा रहेको छ । ३० जनाको नाम मधुवन वडा नं ३ मा रहेको र १ जनाको क्षेत्र नं २ राजापुर वडा नंवर ४ मा रहेको सार्वजनिक भएको नामावलिमा देखिन्छ । कांग्रेसको लेटरप्याड जस्तो देखिने फोटोकपिमा लेखिएको छ, "नेपाली कांग्रेस १४ औँ महाधिवेशन-२०७८ कृयाशिल सदस्यको छुट नामावली समायोजन, जिल्ला बर्दिया, समायोजन-अखण्ड समान्तर पार्टी ।"
नेपाली कांग्रेसका मुख्य सचिवको हस्ताक्षर रहेको दाबी गरिएको उक्त नामावली एकाएक सार्वजनिक भएपछि बिबाद भएको थियो । निर्वाचन गराउन वडामा खटिएका निर्वाचन अधिकारी आशाराम चौधरीले बर्दिया जिल्लामा केन्द्रबाट खटिएका निर्वाचन अधिकारी लोक बहादुर शाहीलाई बिबाद बारे फोन गरेर जानकारी गराउनुभएको थियो ।
वडामा खटिएका निर्वाचन अधिकारी चौधरीले आफुलाई ३१ जना मध्य ३० जनाको नाम समावेश गरेर निर्वाचन गराउन दबाब आएको भन्दै निर्वाचन स्थगित गर्नुभएको थियो । उहाँलाई प्रहरीको स्कर्टिङमा मंगलबार साँझ बर्दियाको सदरमुकाम गुलरिया लगिएको थियो ।
उक्त बिबाद एकाएक निर्वाचनको दिन सतहमा आएपछि निर्वाचन अवरुद्द भएको थियो । अहिले घटना क्रमले नयाँँ मोड लिएको छ । नेपाली कांग्रेस केन्द्रीय निर्वाचन समितिले प्रकाशित गरेको नामावलीमा नाम रहेका १२५ जना मध्य ७८ जनाले राजीनामा दिएका छन ।
राजीनामा दिने ७८ जना क्रियाशील सदस्यहरुले निर्वाचन सफल हुन नदिन निर्वाचनको मुखमा आफुले हार्ने देखेपछि एकाएक ३० जनाको थप नयाँँ नामावली सार्वजनिक गरेको बताउँदै त्यही १२५ जनाको नामावली अनुसार मात्र निर्वाचन हुनुपर्ने माग गर्दै पार्टी सभापती सञ्जय गौतम समक्ष राजिनामा दिएको जानकारी दिएको छ ।
के हो त बिबादको मुख्य कारण ?
नेपाली कांग्रेसको आन्तरिक निर्वाचन गर्न गठित नेपाली कांग्रेस केन्द्रीय निर्वाचन समितिले मधुवन नगरपालिका वडा नंवर ३ मा १२५ जना क्रियाशील सदस्यहरुको नाम सार्वजनिक गर्यो । यि १२५ जनाले वडा निर्वाचनमा मतदान गर्न पाउने अधिकार राख्दछन । १२५ जनाले बिभिन्न पदहरुमा उठेका पदाधिकारीलाई मत दिन पाउँछन ।
बर्दिया जिल्लाका बिभिन्न वडाहरुमा सर्वसम्मत रुपमा मिलेर सबैको प्रतिनिधित्व हुनेगरी प्रतिनिधि छानिएका छन तर मधुवनको वडा नंवर ३ मा भने २ वटा समुहहरुको बिचमा आपसी समझदारी नहुँदा अहिलेको समस्या देखिएको हो ।
२ वटा समुहहरुको निर्वाचन हुँदा बहुमतको खेल सुरु हुने भएकोले आफ्नो समुहको क्रियाशील सदस्यता बढाउने गरी एउटा पक्षले ३० जनाको नयाँँ नामावली सार्वजनिक गरेको छ भने अर्को समुहले उक्त नामावली बैधानिक र बैध तरिकाले नआएको भन्दै नेपाली कांग्रेस केन्द्रीय निर्वाचन समितिले जारी गरेको नामावली अनुसार नै चुनाव गर्नुपर्ने माग गर्दै आएको छ ।
यो पनि....
बर्दियाको मधुवन वडा नंवर ३ मा बबाल : वडा अधिवेशन स्थगित
