बर्दिया । जिल्लाको मधुवन नगरपालिका वडा नं.-६ मा रहेको सानोश्री सामुदायिक आँखा उपचार केन्द्रद्वारा संचालित निशुल्क मोतिबिन्दु शल्यक्रिया शिविर लुम्बिनी प्रदेश स्वास्थ्य जनसंख्या तथा परिवार कल्याण मन्त्री ईन्द्रजित थारुले २८ गते मंगलबार उद्घाटन गर्नुभएको छ।
२०७४ सालमा स्थापना भएको सानोश्री सामुदायिक आँखा उपचार केन्द्रले हालसम्म ओ.पी.डी. सेवा १८,९०९ जनालाई दिएको छ भने त्यस मध्य मोतिबिन्दुका रोगी ५९२९ जना पत्ता लागी सकेकोमा २४३२ जनाको सफल उपचार गरिसकेको छ। निशुल्क आँखा शिविर मंसिर २९ गतेसम्म संचालन हुनेछ ।
यो उपचार केन्द्र जिल्लाको मध्य भागमा पर्ने भएकोले उपचारका लागी सहज भएको छ। उपचारका लागी छिमेकी राष्ट्र भारतबाट समेत बिरामीहरु आउने गरेका छ्न । उपचार केन्द्रलाई जिल्ला समन्वय समिति बर्दिया र मधुवन नगरपालिकाले १ करोड बराबरको उपकरण सहयोग गर्ने भनि निर्णय समेत गरेको छ ।
कार्यक्रममा बोल्दै लुम्बिनी प्रदेश स्वास्थ्य जनसंख्या तथा परिवार कल्याण मन्त्री ईन्द्रजित थारुले मानव शरीरको महत्त्वपूर्ण पाँच अङ्ग मध्य आँखा पनि एक भएको बताउँदै भन्नुभयो, "सामाजिक, मानव सेवाको रूपमा जुन कार्य गर्नुभएको छ, सर्व प्रथम त्यसका लागी लुम्बिनी प्रदेश सरकार र ब्यक्तिगत तर्फबाट मुरी मुरी धन्यवाद दिन चाहन्छु । राज्यको तर्फबाट आधारभुत उपचार निशुल्क गर्ने र हरेक नागरिकलाई स्वस्थ बनाउने र स्वस्थ जनशक्ति निर्माण गर्ने संबैधानिक दायित्व छ । यो दायित्व संघ, प्रदेश र स्थानीय सरकारले पुरा गर्दै आईरहेको अवस्था छ तर पनि अधुरो अपुरो भैरहेको छ । लुम्बिनी प्रदेश सरकारले कुल बजेटको १० प्रतिशत स्वास्थ्य क्षेत्रमा छुट्याउने निति अपनाएको छ ।"
उहाँले अगाडि भन्नुभयो, "सात वटै प्रदेशमा स्वास्थ्य क्षेत्रमा १० प्रतिशत बजेट छुट्याउने हाम्रो लुम्बिनी प्रदेश एक मात्रै हो । लुम्बिनी प्रदेशका नागरिकहरुलाई आफ्नै प्रदेश भित्र उपचार हुने गरि विशेषज्ञ सेवा सहितको अस्पताल निर्माण गर्ने टेण्डर प्रक्रिया अगाडि बढि रहेको अवस्था छ । हरेक जिल्लामा ५० शैया वृद्धि गरेर त्यहाँ पनि विशेषज्ञ सेवाहरु दिन सक्ने गरि राज्यको दायित्व अन्तर्गत पर्ने आधारभूत स्वास्थ्य सुविधाहरु नागरिकलाई दिने गरि अस्पताल सुदृढ गर्ने र भौतिक पुर्वाधारहरु निर्माण गर्ने र गुणस्तरीय सेवा प्रदान गर्ने गरि प्रदेश सरकार अगाडि बढेको छ ।"
कार्यक्रममा प्रमुख अतिथिको रूपमा लुम्बिनी प्रदेश स्वास्थ्य जनसंख्या तथा परिवार कल्याण मन्त्री ईन्द्रजित थारु विशिष्ट अतिथिका रूपमा लुम्बिनी प्रदेश सांसद कुल प्रसाद पोख्रेल, जिल्ला समन्वय समिति बर्दियाका संयोजक शंकर प्रसाद थारु विशेष अतिथिका रुपमा मधुवन नगरपालिकाका नगर उप-प्रमुख शुवरानी थारु, वरिष्ठ नेत्र चिकित्सक बिद्या प्रसाद पन्त अतिथिका रूपमा संस्थाका आजिवन सदस्य तथा नेपाली कांग्रेस मधुवन नगर समिति सभापति डम्बर के.सी., सल्लाहकार तथा ने.क.पा. एमाले मधुवन नगर कमिटी अध्यक्ष दुर्गा वलि, ने.क.पा माओवादी केन्द्र मधुवन नगर कमिटि अध्यक्ष हरिहर चौधरी, ने.क.पा. एकीकृत समाजवादी मधुवन नगर कमिटी अध्यक्ष दुर्गा बहादुर रिमाल, मधुवन नगरपालिका वडा नं.-६, ७ भक्त बहादुर सुनार, राजेन्द्र हमाल, नेपाल पत्रकार महासंघ बर्दिया शाखा कोषाध्यक्ष सितल थापा, शसस्त्र प्रहरी बल बेश क्याप सानोश्री स.प्र.नि. अर्जुन प्रसाद ढकाल, ईलाका प्रहरी कार्यालय सानोश्रीका प्र.ना.नि. गगन गिरी लगायत उपचार्थ बिरामीहरुको उपस्थिति रहेको थियो भने नेपाल नेत्र ज्योति संघ बर्दिया शाखाको आयोजनामा dak foundation PEF को आर्थिक सहयोगमा कार्यक्रम संचालन भएको थियो ।
कार्यक्रमको सभापतित्वमा सानोश्री आँखा उपचार केन्द्र मधुवन नगरपालिका वडा नं.-६ का सभापति गोपालप्रसाद पौडेल हुनुहुन्थ्यो भने स्वागत मन्त्ब्य नेपाल नेत्र ज्योति संघ बर्दियाका उप-सभापति लोक मणि आचार्यले गर्नुभएको थियो।
