सन्दिप नाथ योगी, अनोज थारू, बर्दिया । स्थानीय तह निर्वाचनअन्तर्गत बर्दियाको बाँसगढी नगरपालिकामा नेपाल कम्युनिष्ट पार्टी (एमाले)का उम्मेदवारले विजय हासिल गरेका छन ।
नेपाल कम्युनिष्ट पार्टी (एमाले)बाट बाँसगढी नगरपालिकाका नगर प्रमुख उम्मेदवार खडक बहादुर खड्का १० हजार ९ सय ४७ मत प्राप्त गरी विजयी हुनुभएको हो ।
खडक बहादुर खड्काका निकटतम प्रतिद्वन्दी नेपाल कम्युनिष्ट पार्टी (माओवादी केन्द्र)का भवनकुमार थारुले ९ हजार ७ सय ६३ मत प्राप्त गर्नुभएको छ ।
त्यस्तै नेपाली कांग्रेसका सविनकुमार थापाले ७ हजार ३ सय १९ मत प्राप्त गर्नुभएको छ ।
नेकपा (एमाले)का खडकबहादुर खड्काले आफ्ना निकटतम प्रतिद्वन्द्वी नेपाल कम्युनिष्ट पार्टी (माओवादी केन्द्र)का तर्फबाट उम्मेदवार रहनुभएका भवनकुमार थारुलाई १ हजार १ सय ८४ मतान्तरले पराजित गर्नुभएको निर्वाचन आयोगले जानकारी दिएको छ ।
त्यस्तै बाँसगढी नगरपालिकाको उपप्रमुखमा नेपाल कम्युनिष्ट पार्टी (एमाले)की इन्दिरा चौधरी विजयी हुनुभएको छ । उहाँ ११ हजार ३५ मत ल्याएर विजयी हुनुभएको हो ।
उहाँका निकटतम प्रतिद्वन्दी नेपाली कांग्रेसकी आकाश थारुले ८ हजार ५ सय १२ मत प्राप्त गर्नुभएको छ ।
नेपाल कम्युनिष्ट पार्टी (माओवादी केन्द्र)की भोमी विटालुले ८ हजार २ सय ३८ मत प्राप्त गर्नुभएको छ ।
