राप्रपाका केन्द्रिय नेता विनय रावलद्वारा बर्दियाली थारू विकास मञ्च काठमाडौँलाई आर्थिक सहयोग
राष्ट्रिय प्रजातन्त्र पार्टीका नेता, समाजसेवी तथा राप्रपाको महत्वपूर्ण विभाग केन्द्रीय सामाजिक विभागका प्रमुख समेत रहनुभएका केन्द्रिय नेता विनय रावलले आदिवासी तथा भूमिपुत्रको रुपमा मानिने थारू समुदायको काठमाडौँमा भएको कार्यक्रमलाई आर्थिक सहयोग प्रदान गर्नुभएको छ ।
"बर्दियाली थारू विकास मञ्च काठमाडौँ"ले आयोजना गरेको कार्यक्रमलाई थारू संस्कृतिको पहिचान, भूमिपुत्रहरूको लोप हुन लागेको भाषा, भेषभुषाको संरक्षण, थारू कला संस्कृतिको जगेर्ना गर्न मदत मिलोस् तथा सो सुवर्ण कार्यमा आफ्नो पनि योगदान रहोस् भन्दै समाजसेवी नेता रावलले आर्थिक सहयोग गर्नुभएको हो ।
बर्दियाली थारू विकास मञ्च काठमाडौँले गरेको "दश्या देवारी मिलन ओ सम्मान कार्यक्रम"मा मिस्टर थारूको उपाधि जित्न सफल लाल बहादुर रत्गैया र मिस थारूको उपाधि जित्न सफल अस्मिता राजवंशी थारूलाई सम्मान गरिएको आयोजकहरूले जानकारी दिनुभयो ।
बर्दियाली थारू विकास मञ्च काठमाडौँले बर्दियाका लोकप्रिय नेता विनय रावलको सो सहयोग अतुलनीय रहेको प्रतिकृया दिँदै थारू समुदायले उहाँले सहयोग गरेर दिएको सम्मानलाई उच्च मूल्यांकन गर्दै आगामी दिनमा रावललाई पनि थारू समुदायले सहयोग गर्ने र गर्न समेत अनुरोध गरेको छ ।
बर्दियाली थारू विकास मञ्च काठमाडौँले थारू संस्कृतिको पहिचान, भूमिपुत्रहरूको लोप हुन लागेको भाषा, भेषभुषाको संरक्षण, थारू कला संस्कृतिको जगेर्ना लगायतका बिभिन्न काम गर्दै आएको छ ।
केन्द्रिय नेता रावलले उक्त कार्यक्रमका लागि मात्रा १० हजार नगद सहयोग गर्नुभएको छ भने आगामी दिनमा थारू समुदायका हरेक समस्या र संस्कृतिको जगेर्ना गर्ने कार्यमा निरन्तर सहयोग गर्ने वचन दिनुभएको बर्दियाली थारू विकास मञ्च काठमाडौँले जानकारी दिएको छ ।
